XX. mendeko Euskararen Corpus estatistikoa

Testuingurua

Deba'ko Itxuarena.

Orain asiko degu
Debako itxu kanta: (bis)
erri ontan badu norbaitek
borondate galanta.
¡Ai, ai, ai!.
Erri ontan badu norbaitek
borondate galanta.

¡Ai au azkengabeko
gorroto zistriña!.
¡Noiz amaituko ote dek
onen pipermiña!.
Batzuek beti zeudek
edaten ozpiña.
¡Auxen dek baiña
amorró piña
kendu eziña!.

Ezta beste iñun itxu
onen antzekorik:
bista ona izan arren
urkoa ikusi eziñik.
¡Ai au azkengabeko....

Debako aurrak ziran
jolasten kantetan:
baña norbaiti gaitz egin
zioten nunbait estetan.

Asmatu zitun azkar
gezurrezko opilak:
baita alperrik bialdu
etxera guardizibilak.

Asmatu Kontakatilu ori
¡bai kristau bapua!.
Aria jaurtiki eta
ezkuta bere ezkua.

Apaiz bat omen-degu
oso separatista:
apaiza beti apaiz da
ez izan arren fatxista:
gezurzulo ori ez ote-da
biotzez komunista.

Apaiza ez izan arren
bere gogokoa:
erespetoa artzen dio
txakurrari añakoa.

¿Jaunak noiz ote zien
agindu kristauei,
men-egiteko bakarrik
fatxista diran apaizei.

Orain amaituko det
Debako itxu kanta:
¡Jaunak biurtu bezaio
begi bietako bista!.

Abesti au Ez dago larrosarik arantzarik gabe bezela abesten da.

(Etxaniz'en papel artean aurkitua).